Kampi i Fëmijëve 2025
Nga data 1 deri më 4 gusht 2025, në qytetin e bukur të Pogradecit u zhvillua kampi i përvitshëm i fëmijëve të Kishave të Bashkuara Metodiste të Shqipërisë.
Në këtë kamp u mblodhën së bashku dhjetëra fëmijë nga katër kisha, duke sjellë me vete buzëqeshje, energji dhe një gëzim të pastër fëmijëror.
Tema e këtij viti ishte historia e Jozefit, një histori plot mësime për besimin, durimin dhe dashurinë e Zotit.
Pastori i Kishave Metodiste të Tiranës dhe Durrësit, Gjergj Lushka, udhëhoqi fëmijët në rrugëtimin biblik, duke e kthyer çdo ditë në një përvojë frymëzuese.
Mësimet u përcollën jo thjesht me fjalë, por me drama, muzikë, piktura dhe mesazhe që prekën zemrat e të vegjëlve.
Çdo aktivitet u shoqërua me lojëra të shumta indoor dhe outdoor, ku fëmijët qeshën, vrapuan dhe bashkëpunuan mes tyre.
Miqësitë e reja që lindën, gëzimi i ndarë dhe shpirti i komunitetit e bënë atmosferën edhe më të veçantë.
Në ditën e fundit, emocionet kulmuan me lojën e thesarit, ku të gjithë u përfshinë me entuziazëm dhe kureshtje.
Ky kamp nuk ishte vetëm një hapësirë argëtimi, por edhe një kujtim i çmuar që fëmijët do ta mbajnë gjatë në zemrat e tyre.
Ai u mbyll me falënderim ndaj Zotit për çdo bekim dhe me dëshirën e madhe për t’u rikthyer vitin tjetër, me të njëjtin gëzim dhe ndoshta me edhe më shumë surpriza.