Zemra të hapura, Mëndje të hapura, Dyer të hapura
Festojmë dashurinë e Perëndisë!
Metodistët janë njerëz që kanë zgjedhur të përjetojnë dashurinë e pakushtëzuar të Perëndisë, nëpërmjet të cilës pretendojnë t’ia shpërndajnë të gjithëve një si një dëshmi. Ne mësojmë nga udhëheqësi ynë shpirtëror që të gjitha ato që mësojmë, dëgjojmë dhe lexojmë t’i provojmë me vepra. Ejani dhe ecni në këtë rrugë me ne!
Kishat tona
Komunitete
KBM Tiranë
Kisha Metodiste e Tiranës është aktive që prej vitit 2008. Misioni i saj është përcjellja e fjalës së Jezus Krishtit te besimtarët. Bashkësia e Tiranës përbëhet nga rreth 40 persona dhe gjatë javës kryen 4 shërbesa.
Atë të së dielës, shërbesën e fëmijëve, studimin e bliblës dhe takimin e të rinjve.
Gjithashtu kisha ofron kurse falas për muzikë dhe gjuhë të huaj për fëmijët me qëllim rritjen e tyre profesionale dhe shërbimin ndaj komunitetit të kishës.
Po ashtu, në këtë kishë ofrohen terapi për fëmijët me Aftësi Ndryshe nga një staf i kualifikuar.
KBM Pogradec
Kisha Metodiste e Pogradecit daton që prej vitit 2008 në qytet dhe me rrënjë më të thella në fshatrat e saj. Ka në thelb predikimin e fjalës së Perëndisë dhe shërbimin ndaj komunitetit.
Kjo kishë ka një godinë moderne me të gjitha kushtet e nevojshme.
Në këtë kishë ofrohen rreth 5 shërbesa gjatë javës.
Shërbesa e së dielës, shërbesa e fëmijëve, takimi i grave, takimi i burrave dhe koha e lutjes, ose studimi i biblës.
KBM Elbasan
Kisha Metodiste e Elbasanit u themelua në gusht 2014 dhe ka hyrë në vitin e dhjetë të saj. Është një kishë tepër e frekuentuar, ku shumë besimtarë kanë zgjedhur të dëgjojnë fjalën e Zotit në këtë komunitet.
Kisha e Elbasanit ofron 4 shërbesa në javë.
Shërbesën e së dielës, shërbesën e fëmijëve, studimin e biblës dhe takimin e grave.
KBM Durrës
Kisha Metodiste i ka fillesat e saj në verën e vitit 2017 dhe është shtuar gradualisht. Aktualisht ajo përbëhet nga familje solide që banojnë shtëpinë e Krishtit.
Kjo kishë kryen 3 shërbesa në javë.
Shërbesën e së dielës, shërbesën e fëmijëve dhe studimin e biblës.
KBM Buzaishtë
Kisha Metodiste e Buzahishtës është fara më e re e mbjellë nga drejtuesit e kishës sonë. Të korrat e këtij komuniteti janë premtuese.
Kjo kishë përbëhet nga një numër i lartë të rinjsh të cilët kanë zgjedhur të mësojnë rreth fjalës së Zotit edhe pse në një fshat të largët të Pogradecit.
Evente
12-13 Dhjetor
16:00
Seminari “Zakonet e Shenjta” për bashkëpunëtorët dhe pastorët
Kisha jonë do të organizojë seminarin e katërt radhazi mbi kryetemën “Zakonet e Shenjta” për pastorët, personat laikë dhe personat që kanë rol të rëndësishëm në shërbesat tona. Këtë vit drejtuesi i seminarit, superintendenti Wilfried Nausner do të flasë rreth Thyerjes së Bukës (Breaking Bread). Këto seminari tentojnë të rrisin vigjilencën rreth Zakoneve të Shenjta që gjithësecili prej nesh duhet të zhvillojë si në kishë dhe në shoqëri. Temat zakonisht përdoren edhe për Studimet tona biblike.
30 Nëntor
E Diela e Parë e Adventit
Të dielën, më 30 nëntor, kremtojmë të Dielën e Parë të Adventit, që shënon fillimin e vitit të ri liturgjik dhe periudhën e përgatitjes shpirtërore për Krishtlindje. Ftojmë të gjithë të marrin pjesë në ndezjen e qiririt të parë të Adventit, si shenjë shprese dhe pritjeje të ardhjes së Zotit.