Superkampi i Fëmijëve
Fëmijët e të gjitha kishave tona metodiste morën pjesë në kampin e përvitshëm të tyre në datat 24-27 korrik në qytetin e Pogradecit.
Ndërsa bëjmë një rezyme pas përfundimit, ishte e vështirë të gjeje një fëmijë apo kujdestar që nuk e shijoi.
Kampi, tashmë traditë rreth 15-vjeçare mbahet në qytetin e Pogradecit për shkak të klimës, liqenit dhe logjistikës.
Mbi 40 fëmijë dhe 13 kujdestarë ishin pjesë e këtij kampi, i cili është një nga aktivitetet më jetëgjata që kisha jonë organizon.
Kampi edhe këtë vit u drejtua nga pastori Gjergj Lushka, i cili drejtoi temat në lidhje me titullin e këtij viti “Ka vetëm një rrugë, me Perëndinë.”
Fëmijët u ndanë në 4 grupe kreative, të cilat përfshinin dramën, muzikën, pikturën dhe mesazhin, përmes së cilës fëmijët ilustronin njohuritë e marra nga predikimet e përshtatura për fëmijë.
Gjithashtu brenda ambientit të mrekullueshëm të kishës sonë ata patën mundësi të luanin lojëra indoor.
Një pjesë tepër e rëndësishme e ditës është edhe koha e plazhit dhe lojërave outdoor.
Katër ditët e Kampit të Fëmijëve, është koha më e preferuar e fëmijëve gjatë gjithë vitit.
Përveç kohës tepër miqësore dhe lidhjes mes tyre, ata shijojnë shumë edhe garën.
Për këtë qëllim grupi i kujdestarëve organizon lojëra kompetitive përmes së cilave ata si një grup i vetëm duhet të fitojnë pikë gjatë gjithë kampit në mënyrë që të fitojnë.
Edhe këtë vit pati një grup fitues.
Megjithatë qëllimi i kampit nuk është të shtojë konkurrencë, apo të krijojë ndasi, prandaj të gjitha medaljet dhe kupa në fund janë vetëm simbolike.
Për katër ditë me radhë, vaktet u konsumuan në ambientet e poshtme të kishës dhe për këtë duam të falenderojmë gratë duararta të KBM Pogradec, Peza Çela, Roza Elezi, Sose Pjetri dhe Thomaida Çulaku.
Gjithashtu duam të falenderojmë pastorin e kishës së Pogradecit, Përparim Kasmollari për mikpritjen dhe gatishmërinë për të shërbyer.
Thellësisht mirënjohës për të gjithë kujdestarët e përkushtuar të cilët e bëjnë të mundur këtë kamp duke drejtuar dhe duke u kujdesur për fëmijët.
Jemi tepër falenderues për realizimin e këtij kampi kundrejt atyre që dhuruan për, kishave metodiste në Zvicër dhe Austri.
